'आब बात पढ़ाईये -लिखाई के लैह ...... जे बच्चा बेसी चन्सगर से साइंस पढ़ैत
अछि आ डॉक्टर-इंजीनियर बनि पैघ कंपनी-अस्पताल
मे नौकरी पबैत अछि। जे पढ़ै मे कने दब्ब से
आगू जा क' मैनेजमेंट के पढ़ाई करैत अछि आ कंपनी-अस्पताल के मैनेजर भ' जाईत अछि। मैनेजर
के आगू डॉक्टर-इंजीनियर के झुकहि पड़ैत छै आ ओकर आदेशो मान' पड़ैत छै। आब जे केयो कोनो
टेक्निकल डिग्री नहिं ल' सकल से आगू जा क' सरकारी सेवा मे प्रशासक बनि जाईत अछि आ शासन-प्रशासनक नीति-निर्धारण करैत अछि जकरा सभ के स्वीकार करब
अनिवार्य। ओकरा आगू डॉक्टर-इंजीनियर-प्रबंधक सभ झुकैत अछि। जे केयो एहि तीनू श्रेणी मे नहिं आबि सकल से विधायक-सांसद
आ मंत्री बनि जाईत अछि। राज-काज मे एकर ईक्षा सर्वोपरि तैं पैघ-पैघ प्रशासक सेहो एकरा
आगू नतमस्तक ! आओर ........ जे एहि सभ मे स'
किछु नहिं बनि सकल से बनि जाईत अछि ...... संत ! ....... महात्मा !! एकरा आगू त' सभ नतमस्तक !' कहि क' हरखू कक्का तमाकू
के ज़ूम कसिया क' चुटकी मे दबा क' ठोरक निचा रखला आ अजेय दृष्टियेँ ओत' बैसल लोक सभ
दिस तकला। गुम्म भेल सभ स्वीकृति मे मुड़ी हिलेलक।
कुमार मनोज कश्यप
5/8, ब्लॉक-I, न्यू मिंटो रोड हॉस्टल, मिंटो रोड कॉम्प्लेक्स, नई दिल्ली -110002
# 09810811850 , 011-23231873
कोई टिप्पणी नहीं:
एक टिप्पणी भेजें